ព្រះសីហនុ ៖ អភិបាលខេត្តព្រះសីហនុ​ លោក គួច ចំរើន នៅថ្ងៃទី៧ ឧសភា ២០២១ បានធ្វើលិខិតថ្លែងអំណរគុណសម្តេចតេជោ ហ៊ុន សែន នាយករដ្ឋមន្ត្រីកម្ពុជា ដែលបានផ្តល់នូវស្បៀងអាហារចំនួន៣៦.០០០ (សាមសិបប្រាំមួយពាន់) ឈុតមករដ្ឋបាលខេត្តព្រះសីហនុ ដើម្បីចែកជូនដល់បងប្អូនប្រជាពលរដ្ឋដែលមានជីវភាពខ្វះខាតក្នុងតំបន់បិទខ្ទប់ និងតំបន់ក្រហម ក្នុងភូមិសាស្រ្តក្រុងព្រះសីហនុ ខេត្តព្រះសីហនុដែលជាតំបន់មានការឆ្លងរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ។ 

លោក គួច ចំរើន បានបន្តទៀតថាការផ្តល់នូវស្បៀងអាហាររបស់សម្តេចតេជោនាពេលនេះគឺជាកាយវិការប្រកបដោយព្រហ្មវិហារធម៌ និងដែលតែងតែយកចិត្តទុកដាក់អាណិតអាសូរប្រកបដោយក្តីស្រលាញ់ដល់បងប្អូនប្រជាពលរដ្ឋ ដោយមិនប្រកាន់និន្នាការនយោបាយ ជំនឿសាសនា ដោយមិនទុកឱ្យប្រជាពលរដ្ឋកម្ពុជាណាម្នាក់ត្រូវស្លាប់ដោយអត់បាយ ដោយគ្មានការយកចិត្តទុកដាក់រងទុក្ខវេទនា និងភ័យខ្លាចនោះឡើយ៕